இயற்கை

துப்பினால் தப்பமுடியாது

2008-07-24T20:59:00.000-07:00

பொதுவாக நல்ல பாம்புகள், மனிதனால் தமக்கு ஆபத்து ஏற்ப்படப் போவதாகக் கருதினால் மனிதனைக் கொத்திவிடுகின்றன.ஆபிரிக்க நாடுகளில் வாழும் ஒருவகை கறுப்பு நாகப்பாம்புகள் (Black Spitting Cobra/விஷம் உமிழும் கறுப்பு நாகப்பாம்புகள்) கொத்துவதற்கு பதிலாக விஷத்தை கண்களை நோக்கி துப்பிவிடும். எதிரியுடன் எதிர்துச் சண்டையிடும்போது தன்னைக் காப்பாற்றிக்கொள்ள வாயுள்ளிருந்து ஒரு வகை விஷத்தை எதிரியின் கண்களை நோக்கி பீச்சுகின்றன.இவ் விஷம் கண்ணில் பட்ட உடனே கண் குருடாகிவிடும்.இச் சந்தர்ப்பத்தைப் பயன்படுத்தி பாம்பு தப்பிவிடும்.இரையை ஏணைய பாம்புகளைப்போல் கடித்து உணவாக்கிக் கொண்டாலும்,சில வேளை இரை சவாலாக விளங்கும்போது இவ்வாறு விஷத்தை பீச்சிக் கொல்கின்றன.இப்பாம்புகள் உணவாக தவளைகள்,சிறு முலையூட்டிகள் மற்றும் பறவைகளை உட்கொள்கின்றன.இந்த விஷம் உமிழும் கறுப்பு நாக பாம்பினால் 2 மீட்டர் தூரத்திற்க்கு விஷத்தை பீச்ச முடியும்.இப் பாம்புகள் 1.5 மீட்டர் நீளம் வரை வளரும்.யூன்,யூலை மாதங்களில் இணை சேரும் இப்பாம்புகள், 6 தொடக்கம் 20 முட்டைகளை இட்டு 88 நாட்கள் அடைகாத்து குஞ்சு பொரிக்கும்.

இலங்கையில் ஆனக்கொண்டா 20 குட்டிகளை ஈன்றது.

2008-07-19T22:12:00.000-07:00

தெஹிவளை தேசிய மிருகக்காட்சி சாலையே இலங்கையில் உள்ள மிகப்பெரிய மிருகக்காட்சி சாலை ஆகும்.இங்கு உள்நாட்டு,வெளிநாட்டு உயிரினங்கள் பல வளர்க்கப்படுகின்றன.இந்த வகையில் ஊர்வன பகுதியில் வளர்க்கப்படும் பாம்புகளில் அனகொண்டாவும் ஒன்றாகும்.இங்குள்ள இரண்டு அனகொண்டாவும் வெளிநாட்டு மிருகக்காட்சி சாலைகளுடன் மிருகங்களை பரிமாறிக்கொண்டபோது தெஹிவளை மிருகக்காட்சி சாலைக்கு ஐந்து வருடங்களுக்கு முன்னர் கிடைக்கப்பெற்றது.இவ்வாறு பெற்றுக்கொள்ளப்பட்ட அனகொண்டாவே கடந்த வெள்ளிக்கிழமை(11/07/2008) 23 குட்டிகளை ஈன்றெடுத்துள்ளது.இதில் மூன்று குட்டிகள் இறந்து விட்டன.இதனைத் தொடர்ந்து இக்குட்டிகள் தாயின் கண்ணாடிக் கூண்டில் இருந்து அகற்றப்பட்டு விசேட பராமரிப்பின் பின் மக்கள் பார்வைக்கு வைக்கப்பட்டுள்ளன.ஆசியாவில் உள்ள மிருகக்காட்சி சாலையில் அனகொண்டா ஒன்று இவ்வாறு 20 குட்டிகளை ஈன்றெடுத்தது இதுவே முதல் முறையாகும்.இந்த மஞ்சள் நிறத்திலான (மஞ்சளும் கருப்பும் கொண்டது) அனகொண்டா சுமார் 12 அடி நீளத்தை உடையது.அமேசன் நதியோரங்களில் வாழ்கின்ற இவை 8 -10 மீட்டர் வரை வளரக் கூடியது.ஆனக்கொண்டா என்பது "ஆனைக்கொன்றான்" (elephant killer) என்னும் தமிழ்ப் பெயரிலிருந்து உருவானதாக கருதப்படுகின்றது.

தேன் கூடு(பாகம் IV)

2008-07-17T22:24:00.000-07:00

தேனீக்கள் தேன் கூட்டில் கூட்டமாக(சமூதாயமாக) வாழும்.இந்த தேன் கூடு வேளைக்கார தேனீயிடமிருந்து உருவாகும் மெழுகால் கட்டப்படும்.இது (தேன் வதை) இலேசானதும், அறுகோண வடிவமுடைய பல அறைகளாலானது.இவ் அறுகோண அமைப்பு மிகவும் உறுதியானது.இதனாலே தான் ஆகாய விமானங்களில் தேன்வதை போன்ற அமைப்பில் தயாரிக்கப்பட்ட அலுமினிய வலைச்சட்டகம் ஆகாய விமான உடலின் தகடுகளுக்கிடையில் இடப்பட்டுள்ளது.இதனால் ஆகாய விமானங்கள் உறுதியாகவும் இலேசானதாகவும் வெப்பத்தைத் தாங்கக்கூடியதாகவும் உள்ளது.

தேன் வதை தேனீகளின் வசிப்பிடமாக இருப்பதோடு களஞ்சியமாகவும் காணப்படுகின்றது.இங்கு சேமிக்கப்படும் தேன் அவற்றிக்கு உணவாக அமைவதோடு தேன் கூட்டைக் குளிர் நேரதில் வெப்பமாக வைத்திருக்கவும் உதவுகின்றது.

இந்த தேன்கூட்டை பாதுகாப்பதற்கு என சில வேலைக்கார தேனீக்கள் தேன்கூட்டின் மேல் பகுதியில் நியமிக்கப்பட்டிருக்கும்.இவை பிற பூச்சிகளை கூட்டினுள் செல்ல அனுமதிப்பதில்லை.இந்த தேனீக்கள் தங்களது சொந்த உயிரை பணயமாக வைத்தே பாதுகாப்பு பணியை மேற்கொள்கின்றன.வேலைக்கார தேனீக்கள் தமது ஆயுதமாக கொட்டக் கூடிய கொடுக்கை பயன்படுத்தும். ஆனால் ஒரு முறை கொட்டியதன் பின்னர் திரும்ப வளருவதில்லை.(இராணித் தேனீக்கு கொட்டக் கூடிய கொடுக்குகள் மீண்டும் மீண்டும் வளரக்கூடியதாகும்,அதே நேரம் ஆண் தேனீக்கு கொடுக்கு காணப்படாது.)தேன்கூட்டின் பாதுகாப்பு பணியை வேலைக்கார தேனீக்கள் சுழற்சி முறையில் மாறி மாறி செய்கின்றன.தேன்கூட்டில் உணவுப் பற்றாக்குறை ஏற்பட்டால் உழைக்காமல் உண்ணும் ஆண் தேனீக்கள் வெளியேற்றப்படும்!

வேலைக்கார தேனீயால் துரத்தப்படும் ஆண்தேனீ ஒன்று

வேலைக்கார தேனீக்களால் பூக்களிலிருந்து அமுதம்(Nector) என்னும் பதார்த்தம் உறிஞ்சப்படுகின்றது.இது தேனீக்களில் இரைப்பையில் பதப்படுத்தப்படுகின்றது.பின் அவை தேன் அடையில் சேமிக்கப்படுகிறது.இதில் நீர் அதிகளவும்,இயற்கையான மதுவங்களும் காணப்படும்.இதனால் தேன் நொதிப்பிற்கு உட்படும்.அதேவேளை தேன் அடை திறந்திருப்பதால் இதிலுள்ள நீர் ஆவியாகத் தொடங்கும்.இதனால் நீர்கொள்ளளவு குறைந்து தேன் செறிவடையும்.ஒரு நிலையில் தேன் நொதிப்பிற்கு போதிய நீரின்மையால் நொதிப்பு தடைப்படும்.இந்த நொதிப்புச் செயற்பாட்டை சரியான இடத்தில் நிறுத்த நீர் ஆவியாதல் உதவுகிறது.தொடர்ந்து நொதிப்பு நடைபெறும் பட்சத்தில் வெல்லங்கள் அற்ககோலாகிவிடும்.இவ்வாறு ஒரு வேலைக்கார தேனீயால் தனது வாழ் நாளில் 45 கிராம் தேனைச் சேகரிக்க முடியும்.ஒரு முழுமையான நல்ல ஆரோக்கியமான கூட்டில் 15 முதல் 23 கிலோ வரை தேன் காணப்படும்.

வேலைக்கார தேனீக்கள் (பாகம் III)

2008-07-17T22:15:00.000-07:00

பூக்களில் மகரந்தசேர்க்கைக்கு பெரிதும் உதவி செய்பவை வேலைக்கார தேனீக்கள் ஆகும்.இராணியைக் கவனிப்பது,முட்டையிலிருந்து வெளியேறும் குடம்பிகளை பாதுகாப்பது,அவற்றிற்கு உணவு கொடுப்பது,சுத்தப்படுத்துவது மற்றும் உணவு தேடுதல் என அனைத்து செயற்பாடுகளும் இந்த வேலைக்கார தேனீக்களால் மேற் கொள்ளப்படுகின்றன.

வேலைக்கார தேனீக்களின் கடமைகளில் ஒன்றான உணவுத் தேடலுக்கு தூர இடங்கள் செல்ல வேண்டி உள்ளது.தேனீக்கள் நிமிடத்திற்கு 11,400 முறை சிறகடிக்கின்றது.இவற்றால் மணிக்கு 15 மைல் என்னும் வேகத்தில் பறக்க முடியும்.தேனீக்கள் ஒரு பவுண்டு தேன் சேகரித்துக் கொண்டுவர ஒரு தேனீ சுமார் 45 000 மைல் தூரம் அலைந்து உழைக்க வேண்டும்.ஒரு கிலோ தேனைச் சேகரிக்க 40 இலட்சம் பூக்களிலிருந்து அமுதம்(Nector) என்னும் பதார்த்தம் உறிஞ்சி எடுக்கின்றன(!).இவ்வாறு ஒரு தேனீ தேன் இருக்குமிடத்தை கண்டு பிடித்துவிட்டால் மற்ற தேனீகளுக்கு உடல் அசைவின் மூலம் தெரிவிக்கின்றது.இந்த அசைவுகளே தேனீக்களின் நடனம் என்றழைக்கப்படுகிறது.

தேனீக்களை பற்றி பல ஆண்டுகள் ஆய்வு நடத்திய பிரெஞ்சு விஞ்ஞானி வான் பிரிச்(von frisch) தேனீக்களின் நடனம் பற்றி இவ்வாறு கூறுகிறார்.தேனீக்கள் உடல் அசைவுகளின் மூலம் தகவல் பரிமற்றம் செய்கின்றன.வேவு பார்க்கும் தேனீக்கள் பூந்தோட்டத்திற்குச் சென்று தேனை பருகியபின் தன் கூட்டருகே சென்று மற்ற தேனீக்களுக்கு நடனத்தின் மூலம் தகவலை தெரியப்படுத்தும்.இந்த நடனம் மூலம் உணவு இருக்குமிடம்,திசை,தூரம் என்பவற்றை தெரிவிக்கின்றன.தேனீக்கள் இரண்டு விதமாக நடனமாடுகின்றன.உணவு 300 அடி தூரத்திற்குள்ளே எனின் வட்ட நடனத்தையும்,300 அடி தூரத்திற்கு வெளியே எனின் வாலாட்டும் நடனத்தையும் ஆடுகின்றன.நடனத்தின் நெளிவு ,விரைவு மாறுபடுவதன் மூலம் உணவு இருக்கும் திசையை காட்டுகின்றது.இதனை புரிந்து கொண்ட மற்ற தேனீக்கள் அவ்விடத்தை நோக்கி படையேடுக்கும்.

தொடரும்...

இராணியின் ஆட்சி (பாகம் II )

2008-07-17T22:01:00.000-07:00

தேனீ கூட்டமாக வாழ்பவை.பலமான, ஆரோக்கியமான கூட்டத்தில் ஒரு இராணித்தேனீ ,சில ஆண் தேனீகள் மற்றும் சும்மார் 50 000 தொடக்கம் 60 000 வரையான வேலைக்கார தேனீகள் வாழும்.இராணித் தேனீயே அக்கூட்டத்தில் பெரிய தோற்றத்தைக் கொண்டிருக்கும்.இராணித்தேனீ இல்லாவிடின் அக்கூட்டமே கட்டுப்போக்கான சேர்ந்து வாழும் பண்புகளை இழக்கின்றன.இராணித்தேனீ இலிங்க முதிர்ச்சி பெற்ற தேனீ ஆகும்.இதன் தொழில் இனவிருத்தி மட்டுமே.இங்கு முக்கிய விடயம் இராணித் தேனீயை உருவாக்கும் சக்தி வேலைக்கார தேனீயிடமே உண்டு.

ஒரு கூட்டில் ஒரு இராணித் தேனீ மட்டுமே இருக்கும்.ஆகவே இராணித்தேனீ முதுமையானதன் பின் அல்லது தேனீகளின் எண்ணிக்கை கூடி தேன் கூடு பெரிதடைந்து விடின் வேலைக்கார தேனீகள் தங்களுக்கான புதிய இராணியை (தலைமையை)உருவாக்கும்.இந்த இராணித்தேனீ உருவாவது பிரத்தியேகமான அறையிலாகும்.இந்த அறை மற்ற அறைகளை விட அளவில் பெரியதாகவும் நிலைக்குத்தாகவும் அமைந்திருக்கும்.வேலைக்கார தேனீக்களின் தலையில் அமைந்துள்ள சுரப்பியொன்றிலிருந்து சுரக்கப்படும் Royal Jelly (அரச உணவு)எனப்படும் பதார்த்தத்தை தெரிவு செய்யப்பட்ட குறிப்பிட்ட குடம்பிக்கு உண்பதற்கு வழங்கி அந்த குடம்பியை இராணித்தேனீயாக உருவாக்குகின்றன.

இந்த இராணித்தேனீ அதன் அறையிலிருந்து வெளியேறி பறக்கத் தொடங்கும்போதே ஆண் தேனீயுடன் சேர்க்கைக்குட்படும்.இதன் போது தனது வாழ்க்கைக் காலத்திற்கு தேவையான விந்துக்களை சேர்த்துக்கொண்டு அறைக்குத் திரும்பும்.இராணித்தேனீ ஒரு நாளைக்கு 2 000 முட்டைகளை இடக்கூடியது.இராணித்தேனீ கருக்கட்டப்பட்ட,கருக்கட்டப்படாத முட்டைகள் இரண்டையும் இடும்.அதில் கருக்கட்டப்படாத முட்டையிலிருந்து 24 நாட்களுக்குப் பின் ஆண் தேனீயும்,கருக்கட்டப்பட்ட முட்டையில் இருந்து 21 நாட்களுக்குப் பின் வேலைக்கார தேனீயும் உருவகின்றது.முட்டையில் இருந்து 16 நாட்களுக்குப்பின் உருவாகுவது இராணித்தேனீ ஆகும்.

ஆண் தேனீக்களின் கண்கள் இராணி,மற்றும் வேலைக்கார தேனீக்களின் கண்களை விட இரு மடங்கு பெரியதாகும்.இதன் உடல் வேலைக்கார தேனீக்களின் உடலை விடவும் பெரியது.ஆண் தேனீக்களின் ஆயுள் காலம் 90 நாட்கள் ஆகும்.வேலைக்கார தேனீக்கள் இலிங்க முதிர்ச்சியற்றவை.வேலைக்கார தேனீக்களின் வாழ்நாள் 28 முதல் 35 நாட்கள் ஆகும்.இராணித்தேனீ இரண்டு வருடங்களுக்கு மேல் உயிர் வாழும்.

தொடரும்...

தேனீக்கள் (பாகம் I )

2008-07-17T21:27:00.000-07:00

சுறுசுறுப்பு, கூட்டு முயற்சி, தலைமைக்கு கட்டுப் படுதல் போன்றவற்றிற்கு உதாரணமாய் விளங்குபவை தேனீக்கள் ஆகும்.தேனீக்கள் ஏப்பிடே ( Apoidea) குடும்பதைச் சேர்ந்த ஒர் பூச்சி வகை ஆகும்.உலகின் அந்தாட்டிக்கா கண்டத்தைத் தவிர எல்லாப் பகுதிகளிலும் வாழும் இந்த தேனீக்கள், ஈ பேரினத்தில் ஒரு வகை ஆகும். ஈ பேரினத்தில் இன்று ஏறத்தாழ 20,000 வகைகள் அறியப்பட்டுள்ளன. அவற்றுள் ஏழு இனங்கள்தான் தேனீக்கள் ஆகும். இந்த தேனீக்களில் மொத்தம் 44 உள்ளினங்கள் உள்ளன.உலகில் கண்டு எடுக்கப்பட்ட தேனீக்களின் உயிர்ச் சுவடுகளில் ஒன்று,தேனீக்கள் உலகில் 80 மில்லியன் ஆண்டுகளுக்கு முன்பிருந்து வாழ்வதை உறுதி செய்கின்றது.

தேனீகளுக்கு இரண்டு சோடி சிறகுகளும் முன்று சோடி கால்களும் உண்டு.முன் கால்கள் பின் கால்களை விட சிறிதாகும்.இதன் தலையில் அதிக உணர்திறன் மிக்க உணர் கொம்பு காணப்படும்.தேனீயின் வாயுறுப்பு பூக்களிலிருந்து தேனை உறிஞ்சுவதற்கு ஏதுவாக நீண்டு தும்பிக்கை போலிருக்கும்.

தேனீக்களில் மிகச்சிறியது Trigona minima என்னும் தேனீ ஆகும்.இது 21mm நீளம் உடையது.

இந்துனோசியாவில் 1859 ஆம் ஆண்டு முதன் முதலில் Alfred Russel Wallace என்பவரால் கண்டுபிடிக்கப்பட்ட பெண் Megachile pluto தேனீயே உலகின் மிகப்பெரிய தேனீ ஆகும்.இத்தேனீ இனத்தில் பெண் தேனீ 39mm வரையும் ஆண் தேனீ 23mm வரையும் வளரும்.இத்தேனீ இனம் பற்றி பல வருடமாக எந்த தகவலும் இல்லாத நிலையில் இத்தேனீ இனம் அழிவடைந்திருக்கும் என கருத்ப்பட்டது.ஆனால் 120 வருடங்களுக்குப் பின் அதாவது 1981 இல் அமெரிக்காவைச் சேர்ந்த Adam Messer என்பவரால் மீளவும் மிக அரிதாக சில Megachile pluto தேனீக்களும் இதன் ஆறு கூடுகளும் இந்துனோசியாவில் உள்ள இரண்டு தீவுகளில் கண்டுபிடிக்கப்பட்டது.

தொடரும்...

ராஜ சிறுத்தை

2008-05-15T22:22:00.000-07:00

பூனை இனத்தை Panthera, Felis என இரு பெரும் பிரிவாகப் பிரிக்கலாம்.Panthera பிரிவிலே பெரும் பூனைகள், சிங்கம், ஜக்குவார், புலி, சிறுத்தை போன்றவை அடங்கும்.சிறுத்தையின் தோலில் சிறிய கரும்புள்ளிக் கூட்டங்கள் காணப்படும்.ஆனால் ராஜ சிறுத்தையின்(king cheetah) தோலில் சிக்கலான பெரும் கரும்புள்ளிகளுடன் இதன் முதுகில் (அணில் முதுகில் காணப்படுவது போல்) நீள கோடுகள் காணப்ப்டும்.இவ்வகை சிறுத்தைகள் மிக அரிதாகவே கண்டறியப்பட்டுள்ளன.முதன் முதலில் சிம்பாவே காட்டில் 1926 இல் கண்டுபிடிக்கப்பட்டது.அதன் பின் 1975 வரை ஆறு தடவையே அவதானிக்கப்பட்டது.இதனால் இந்த ராஜ சிறுத்தையை புதிய இனமாகவும் சிறுத்தையினத்தின் உள் பிரிவாகவும் சிலர் கருதி விவாதித்தனர்.இதற்கு முற்றுப்புள்ளியாக 1980 இன் முற்பகுதியில் தென் ஆபிரிக்காவில் உள்ள De Wildt Cheetah Center இல் சாதாரண சிறுத்தை இரண்டு ராஜ சிறுத்தைக் குட்டிகளைப் போட்டது.இதன் பின்னர் இந்த ராஜ சிறுத்தையின் பிறப்புக்கு DNA இல் ஏற்படும் மாற்றமே காரணம் என அறியப்பட்டது.தற்போது உலகத்தில்(சிம்பாவே,ஆபிரிக்கா காட்டில்) பத்திற்கும் குறைவான எண்ணிக்கையில் இந்த ராஜ சிறுத்தைகள் வாழ்வதாக நம்பப்படுகின்றது.

கொம்புள்ள சுறா?

2008-05-14T21:46:00.000-07:00

சில தினங்களுக்கு முன் எனக்கு மின்னஞ்சலில் கிடைத்த கொம்புள்ள சுறாவின்(கற்பனை(?) ஒற்றைக் கொம்பு குதிரை போல) படங்களே இவை.அந்த மடலில் இவ்வகை சுறா ஆழ் கடலில் மிகவும் அரிதாக காணப்படுவதாக குறிப்பிடப்படிருந்தது.இருப்பினும் இது தொடர்பான உண்மைத்தன்மையை அல்லது மேலதிக தகவல் எதுவும் என்னால் பெறமுடிய வில்லை.உங்களுக்கு ஏதும் தெரிந்தால் கூறவும்.

தினக்குரல் பத்திரிகையில் இயற்கை வலைப்பூ

2008-04-26T22:09:00.000-07:00

தினக்குரல் பத்திரிகையில் வாரவாரம் "வலைப் பூக்கள்" என்னும் பெயரில் வலைப்பூக்கள் அறிமுகமாவது அணைவரும் அறிந்ததே.அந்த வகையில் இன்று ஞாயிற்றுக்கிழமை (27/04/2008) எனது "இயற்கை" வலைப்பூ "காண்டீபனின் இயற்கை" என்னும் தலைப்பில் அறிமுகப்படுத்தப்பட்டுள்ளது.இந்த தகவலை உங்களுடன் பகிர்ந்து கொள்வதால் நான் மேலும் மகிழ்ச்சி அடைகின்றேன்.

தினக்குரல் பக்க எண் 27 இல் வந்த அவ் ஆக்கம் மேலே படமாக.

இந்த ஆக்கத்தை எழுதிய க.தே.தாசன் அவர்களுக்கும் தினக்குரலுக்கும் நன்றிகள்.

ஈருடக மீன்

2008-04-03T01:03:00.000-07:00

மனிதர்களுக்கு பொழுதுபோகாவிட்டால் கடற்கரைக்குப் போவதுபோல் மீன்களுக்கு பொழுதுபோகாவிட்டால் தரைக்கு வருமா? என்று கேட்டால் ஆம் என்று சொல்கின்றது mudskipper(மட்ஸ்கிப்பர்?)என்னும் மீன்.பெரும்பாலான மீன்கள் நீரில் மாத்திரம் வாழ்கை நடத்துவன. ஆனால் இந்த மட்ஸ்கிப்பர் நீரிலும் நிலத்திலும் வாழும் இயல்புடையது.அதிக நேரத்தை நீருக்கு வெளியில் செலவு செய்கின்றன.இவற்றை நீர்நிலைகளுக்கு அருகில் காணப்படும் பாறைகள்,வெளித்தெரியும் மர வேர் மற்றும் சேறு நிலத்தில் காணலாம்.நீருக்கு வெளியில் தனது வலிமையன துடுப்புகளைப் பயன்படுத்தி நடக்குகின்றன.தனது இரண்டு துடுப்புக்களையும் முன் வைத்துக்கொண்டு உடம்பை முன் இழுப்பதன் மூலம் இவை நகருகின்றன.இவ்வாறு நகர்வதற்கு இதன் வலிமையன மார்புத்தசை உதவி புரிகின்றது.தரையிலும் உணவு வேட்டையில் ஈடுபடும் இவை நீச்சல் திறன் குறைந்தவை.இந்த மட்ஸ்கிப்பர் மீனுக்கு கண்கள் தலையின் மேல் பகுதியில் காணப்படும்.இதனைப் பயன் படுத்தி 360 பாகையில் நடக்கும் அணைத்தையும் அவதானிக்க முடியும்.நிலத்தை தோண்டி முட்டையிட்டு இனப்பெருக்கம் செய்யும் இவற்றால் 15 சென்ரீமீட்டர் வரை வளரமுடியும்.

அழகான ஆபத்து

2008-03-29T23:42:00.000-07:00

கண்ணைப் பறிக்கும் நிறத்தில் காணப்படும் Golden Poison (Frog) தவளை தொடுபவர்களின் உயிரையும் பறிக்கும் வல்லமை கொண்டது.உலகில் 5,000 இற்கும் மேற்ப்பட்ட தவளை இனங்கள் காணப்படுகின்றன.இதில் "jewels of the rainforests" என் வர்ணிக்கப்படும் Golden Poison தவளை மிகவும் நச்சுத்தன்மை கொண்டது.இது கொலம்பியா நாட்டில் அதிகம் காணப்படுகின்றது.ஐந்து தொடக்கம் ஏழு வருடங்கள் வாழக்கூடிய இந்த தவளைகள் பிறந்து 13 - 18 மாதங்களில் இனப்பெருக்கத்திற்கு தயராகிவிடும்.இது ஐந்து சென்ரிமீட்டர் வரை வளரக்கூடியது.இந்த தவளையின் கொடிய நஞ்சு இதன் தோலில் காணப்படும்.சராசரியக ஒரு மில்லிகிராம் நஞ்சு இதில் காணப்படும்.இது 10,000 சுண்டெலியை கொல்வதற்கு போதுமானது.அது மட்டுமின்றி பத்திற்கும் இருபதிற்கும் இடைப்பட்ட எண்ணிகையிலான மனிதர்களை கொல்லக் கூடியது இந்த நஞ்சு.அழகு எப்போதும் ஆபத்துதான்!

கொள்ளைக்கார நண்டு

2008-03-10T22:09:00.000-07:00

இந்து சமுத்திரம் மற்றும் தென் பசிபிக் மகா சமுத்திரத்திர தீவுகளிலும் காணப்படும் நண்டு வகையில் ஒன்று தான் Coconut Crab.இதனை தமிழில் கொள்ளைக்கார நண்டு என அழைக்கின்றனர்.எட்டுக் கால்களை உடைய இந்த நண்டு தென்னை மரங்களில் ஏறி தேங்காயை தனது பலம் பொருந்திய இடுக்கியால்(முன் இருக்கும் ஒரு சோடி கால்கள்(pincers)) உடைத்துத் தின்று விடும்.தனது இடுக்கியால் 29 கிலோகிராம் வரையான பாரத்தை தூக்கும் திறன் படைத்தது.இதன் உடலின் நீளம் 40 சென்டி மீட்டர் ஆகும்.பொதுவாக பெண் நண்டை விட ஆண் நண்டு பெரிதாக இருக்கும்.இதன் நிறை அன்னளவாக 4 கிலோகிரமுடையது.இந்த கொள்ளைக்கார நண்டால் நீந்த முடியாது, நீரில் மூழ்கி விடும்.ஆறு மீட்டர் உயரமுள்ள (தென்னை) மரங்களிலும் ஏறும் இந்த கொள்ளைக்கார நண்டு 30 தொடக்கம் 60 வரையான வருடகாலம் வாழக்கூடியவை.

விசித்திரமான பல்லி

2008-03-10T21:32:00.000-07:00

தென் ஆபிரிக்காவில் காணப்படும் விசித்திரமான பல்லி இனமே armadillo lizards.இந்த பல்லியின் நீளம் 16 தொடக்கம் 21 சென்டி மீட்டருக்கு இடைப்பட்டதாக இருக்கும்.ஒரு தரத்தில் ஒன்று அல்லது இரண்டு குட்டி போடும் இந்தப் பல்லிகளின் வாழ்க்கை காலம் அன்னளவாக 25 வருடங்கள் ஆகும்.பாறை இடுக்கில் வாழும் இவை பகைவர் யாராவது தாக்க வந்தால் தனது வாலை கடித்துக்கொண்டு வட்டவடிவமாக காட்சி தரும்.கிழே உள்ள படத்தில் இதனைக் காணலாம்.

வீடு புகுந்து தாக்குதல்

2008-03-08T21:15:00.000-08:00

தற்காப்பில் சிறந்தவை சிலந்திகள்.இவை இரையிடம் இலகுவில் அகப்பட்டுக் கொள்ள மாட்டாது.சில அவசர சிலந்திகள் தமது அவசரத்தால் இரையை தப்பிக்கவிட்டு விடும்.உதரணமாக சிலந்தி வலையில் சிள் வண்டு மாட்டிக்கொண்டதும் நெபிலியா என்ற சிலந்தி உண்வை உண்ண அவசரமாக இரையை நோக்கிச் செல்லும்.அந்த நேரம் பார்த்து சிள் வண்டு தன் வயிற்று அடிப் பாகத்தில் உள்ள சுரப்பியை நெபிலியா சிலந்தி நோக்கி வெடிக்க வைப்பதோடு காரமான திரவத்தையும் அதன் மீது பீச்சுகின்றது.இந்த எதிர்பாராத தாக்குதலில் இலிருந்து நெபிலியா சிலந்தி மீள முன் சிள் வண்டு தப்பித்துக்கொள்ளும்.ஆனால் அர்கோபி சிலந்திகள் மாட்டிக்கொண்ட சிள் வண்டைச் சுற்றி சிள் வண்டு தப்பிக்காமல் தந்திரமாக வலையைப் பின்னும் பின்னர் சிள் வண்டு இறந்த பின் உண்கின்றது.சில பூச்சிகள் சிலந்தியை அதன் வலையில் சந்தித்து போர் புரிந்து வெற்றி கொள்கின்றன.அவ்வாறான சந்தர்ப்பம் ஒன்றை இங்கு காணலாம்.

தண்டனை பெறும் முதலை

2008-03-08T21:06:00.000-08:00

குளத்திற்கு நீர் குடிக்கவரும் மான்களை நிண்ட காலமாக வேட்டையாடிவந்த முதலை ஒன்று வனவிலங்கு அதிகாரிகளால் அக்குளத்தில் இருந்து அப்புறப்படுத்தப்பட்ட காட்சிகள்.
பி.கு:-
மினஞ்சலில் இத்தகவலை அனுப்பிய நண்பர் மேலதிக தகவல் எதுவும் அனுப்ப வில்லை.

சீலின் பென்குயின் வேட்டை

2008-03-08T20:33:00.000-08:00

தனக்கான இரையைத்தேடும் பென்குயின்.
உணவைக் கண்ட சந்தோசத்தில் தலை தூக்கும் சீல்.
சீலுக்கு இரையான பென்குயின்.

சிலந்தியின் வலையில் பாம்பு

2008-03-08T20:21:00.000-08:00

சிலந்தியில் பல இனங்கள் உண்டு.அவை இரையைப் பிடிப்பதற்கு அவற்றின் வாயிலிருந்து ஊறும் ஒருவகை திரவத்தைக் கொண்டு தமக்கான வலையைப் பின்னுகின்றன.இந்த வலையின் வடிவம் கூடுபோன்றும், தகடுபோன்றும், ஒழுங்கில்லாமலுமென பலமாதிரி காணப்படும்.சில சிலந்தியின் வலை இழைகளில் ஒட்டும் தன்மையுள்ள பொருள் அதிகம் காணப்படும்.இதன் காரணமாக இந்த வலையில் அகப்படும் வௌவால், சிறு பறவைகள், பாம்புகள், தவளைகள் போன்றன தப்பிக்க முடியாது சிலந்திக்கு இரையாகிவிடும்.அவ்வாறு சிலந்தி வலையில் சிக்கிக்கொண்ட பாம்பை இங்கு காணலாம்.

காளை என்றால் சும்மாவா

2008-03-06T22:02:00.001-08:00

சும்மா இருந்தவனை வம்புக்கு இழுதா இதுதான் நடக்கும்.

மலைப்பாம்புக்கு உணவாகும் கங்காரு

2008-03-06T21:54:00.000-08:00

ஆஸ்திரேலியாவில் உள்ள வனம் ஒன்றில் தனது பசியைப் போக்க கங்காரு ஒன்றை மலைப்பாம்பு உணவாக்கும் காட்சி.(பாம்புகள் உணவை முழுமையாக விழுங்குபவை.)

மீன்கொத்தியின் மீன் வேட்டை

2008-03-06T21:09:00.000-08:00

கூரிய அலகுகளும் குட்டைக் கால்களும் கொண்டவையே மீன்கொத்திகள்.இவை பெரும்பாலும் சிறு மீன்கள்,பூச்சிகள்,தவளைகள் போன்றவற்றை உணவாக உண்டாலும்,சிலவேளை பழங்களையும் உண்பவை.நீர் நிலையருகில் தனக்கு ஏற்ற உணவுக்காக காத்திருக்கும் இவை நீரின் மேற்பரப்பில் உணவை கண்டவுடன் சுழியோடிப் பிடித்து உண்கின்றன.இவற்றின் கண்கள் நீருள்ளும் தெளிவாக பார்க்கக் கூடியது.முதலில் அதன் தலைப்பகுதியே நீர்ப்பரப்பை ஊடுருவிச் செல்லும், உணவை பிடித்தபின் தனது சிறகை விரித்து வேகத்தை குறைத்துக் கொண்டு மீண்டு, நிருக்கு வெளியே பறக்கும்.இங்கு மீன்கொத்தி வேட்டையாடும் காட்சி.

சிங்கம் வேட்டையாடும் காட்சி

2008-03-05T21:22:00.000-08:00

பூனைக் குடும்பத்தில் கூட்டமாக வாழ்வது சிங்கங்கள்.ஒரு கூட்டத்தில் பொதுவாக இரண்டு வளர்ந்த ஆண் சிங்கமும் ஏழு பெண் சிங்கங்களும் மற்றும் அதன் குட்டிகளும் இருக்கும்.இங்கு வேட்டைக்கு செல்வது(பெரும்பலும்) பெண் சிங்கமே.பெண் சிங்கங்களுக்கு இடையில் நெருங்கிய உறவுமுறை காணப்படும்.பொதுவாக சகோதரி முறை காணப்படும் சில வேளை தாய் அல்லது தந்தை உடன் கூடபிறந்தவர்களின் பிள்ளைகளாக இருக்கும்.சிங்கம் வேட்டைக்கு கூட்டமாகச் செல்வது வழக்கம்,சில வேளை உணவு சிறியதாகவும், தனித்தும் காணப்பட்டால் "சிங்கம் சிங்கிளாகவே வேட்டைக்குச் செல்லும்".இங்கு சிங்கம் தனித்து வேடடையாடும் காட்சி.

Bleeding Heart

2008-03-01T22:44:00.000-08:00

ஒரு அங்குல நீளமும் இதயத்தில் இருந்து குருதி வடிவதும் போன்ற தோற்றமும் கொண்ட பூவே Bleeding Heart ஆகும்.இதனை Dutchman's Trousers எனவும் அழைப்பார்கள்.Fumariaceae குடும்பத்தைச் சேர்ந்த இந்த பூவின் விஞ்ஞானப் பெயர் Dicentra Spectabilis ஆகும்.இவை மே - ஆகஸ்ட் மாதங்களுக்கு இடைப்பட்ட காலத்தில் பூக்கின்றன.பூவின் வெளி இதழ் சிவப்பு,மென் சிவப்பு(rose pink) மற்றும் வெள்ளை நிறத்தில் காணப்பட்டாலும் இதழின் உட்பகுதி வெள்ளை நிறமாகும்.இது ஜப்பான் நாட்டுக்கு உரித்தான பூவாகும்.இவை விதைகள் மூலம் பரவுகின்றன.

அணுகுண்டுக்கு சவால்விடும் பூச்சி

2008-03-01T20:57:00.000-08:00

அணுகுண்டு ஒன்று வெடித்து பெரும் உயிர் அழிவு ஏற்பட்ட பின் சுடுகாடாக மாறியிருக்கும் அந்த பிராந்தியத்தை பார்க்க கூடிய ஒரு உயிரினம் எங்களுடன் வீட்டில் வாழும் பூச்சி ஆகும்.அது வேறு யாருமில்லை கரப்பான் பூச்சிதான்.ஆம்,கரப்பான் பூச்சி மனிதனை விட பல ஆயிரம் மடங்கு கதிர் வீச்சை தாங்கிக் கொள்ளும் ஆற்றல் படைத்தது.மனிதனின் அழிவின் பின்னும் வாழப்போகும் இவை தோன்றியது மனித இனம் தோன்றுவதற்கு முன்.அதாவது 350 மில்லியன் வருடங்களுக்கு முன் தோன்றியவை.அன்று முதல் இன்று வரை அதன் தோற்றத்தில் எந்த பரிணாம வளர்ச்சியும் அடையவில்லை(சுறா மீனும் இதே காலப்பகுதியில் தோன்றியவை,அவையும் நீண்ட காலம் தோற்ற மாற்றமின்றி வாழ்கின்றன).உலகின் துருவப் பகுதிகள் தவிர்ந்த ஏனைய எல்லாப் பகுதிகளிலும் வாழும் கரப்பான் பூச்சியின் தாயகம் ஜேர்மனி நாடாக இருக்கலாம் என்பது ஆராய்ச்சியாளர்களின் கணிப்பாகும்.
தற்போது உலகில் சுமார் 3490 கரப்பான் இனங்கள் வாழ்வதாகக் கணக்கிடப்பட்டுள்ளது. இவை ஆறு குடும்பங்களாக வகைப்படுத்தப்பட்டுள்ளன.கரப்பான் பூச்சி தலை,நெஞ்சு,வயிறு எனும் மூன்று பிரதான பகுதிகளாகப் பிரிக்கப்பட்டுள்ளது.இவற்றிற்கு மூன்று சோடி கால்களும்,ஒரு சோடி உணர்கொம்பும் உண்டு.கரப்பான் பூச்சிக்கு முதுகெலும்பு கிடையாது.இரண்டு சோடி அல்லது ஒரு சோடி சிறகுகள் கணப்பட்டாலும் சில கரப்பான் பூச்சிக்கு சிறகுகள் கிடையாது.கரப்பான் பூச்சியின் இரத்தம் வெள்ளை நிறமுடையது!இவற்றால் தலை துண்டிக்கப் பட்டாலும் சுவாசிக்க முடியும்!!(சில கரப்பான் பூச்சிகளால் வளி இல்லாமல் 45 நிமிடங்கள் வழமுடியும்.)

Giant burrowing cockroach

உலகின் மிகப்பெரிய கரப்பான் பூச்சி இனம் Giant burrowing cockroach ஆகும்.இது ஆவுஸ்ரேலியாவில் காணப்படுகின்றது.இது 9 சென்ரிமீட்டர் வரை வளரக்கூடியது.இதன் நிறை 30 கிராமை விட அதிகமாக இருக்கும்.இந்த கரப்பான் நிலத்தை 3 அடி(1 மீட்டர்) அழத்திற்கு தோண்டி வசிக்கின்றது.இதன் காரணமாகவே இதற்கு Giant burrowing cockroach என பெயர் வந்தது.(burrow-பூமியில் வளை தோண்டு).இதற்கு சிறகுகள் கிடையாது.இதனை சிலர் செல்லப்பிராணியாகவும் வளர்க்கின்றனர்.
கரப்பான் பூச்சியின் உணர்கொம்புகள் சூழலை அறிய உதவுகின்றது.இரவில்(இருட்டில்) உணவு வேட்டையை செய்யும்.இவை எந்த பாகுபாடுமில்லாமல் எல்லாவிதமான உணவையும் வெட்டியும்,அரைத்தும் உண்கின்றன.அப்படி உணவுப் பஞ்சம் ஏற்பட்டால் காகிதம்,சவர்க்காரம் போன்றவை கூட உணவாகும்.இதற்கு இதன் வலிமை வாய்ந்த தாடைகள் உதவி செய்கின்றன.சில சமயம் உணவே கிடைக்காமல் கரப்பான் பூச்சியினால் மூன்று மாதங்கள் வரை உயிர் வாழ முடியும்!

பாம்பின் பிரசவக் காட்சி

2008-02-29T20:24:00.000-08:00

பாம்புகள் சுமார் 135 மில்லியன் ஆண்டுகளுக்கு முன் பல்லி வகையில் இருந்து தோன்றின.தற்போது உலகில் 2,750 வகையான பாம்பு இனங்கள் உள்ளன.அவற்றில் பெரும் பகுதி முட்டை இட்டு குஞ்சு பொரிக்க சில குட்டி போடுகின்றன.அவ்வாறு குட்டி போடும் பாம்பு Emerald tree Boas.இங்கே Emerald tree Boas(போஸ்?)பாம்பு ஆய்வு கூடத்தில் குட்டி போடும் காட்சி.

அழியாப் புகழ் பெற்ற நாய்

2008-02-27T20:08:00.000-08:00

துணிச்சலான சிறிய வேட்டை நாய் இனமான Smooth fox terrier mix இனத்தை சேர்ந்த ஒரு பெண் நாய் Moscow தெரு ஒன்றில் மெதுவாக ஓடித்திரிந்த வண்ணம் இருக்கின்றது.அங்கு மிகவேகமாக ஒரு வண்டி வந்து நிற்க அதிலிருந்து இறங்கிய சிலர் அந்த நாயை நோக்கி ஒரு பிஸ்கட்டை வீசுகின்றனர்.அதை சாப்பிட்ட அந்த பெண் நாய் இன்னொரு பிஸ்கட்டுக்காக அவர்களைப் பார்க்கின்றது.உடனே வந்தவர்கள் மற்றைய பிஸ்கட்டை தம் அருகில் இடுகின்றனர்.சூதுவாது தெரியாத அந்த பெண் நாய் அதனை உண்பதற்காக அவர்களை நோக்கி ஓடி வர வண்டியில் வந்தவர்களால் அந்த தெரு நாய் பிடித்துச் செல்லப்படுகின்றது.அந்த நாயைப் பிடித்துச் சென்றவர்கள் யார்?ஏன் தெருநாயை கொண்டு சென்றனர்...

விண்வெளி உடையுடன் லைக்கா(அரிதான படம்)

ஆம்,அந்த நாய்தான் உலக புகழ் பெற்ற நாய் லைக்கா.அது விஞ்ஞானி கொரொலெவ்வின் உதவி ஆட்களால் பிடித்து விண்வெளி பயிற்சி முகாமிற்கு கொண்டு செல்லப்பட்டது.இது நடந்தது சுமார் ஐம்பது ஆண்டுகளுக்கு முன்.ரஷ்யா 1957 ஆம் வருடம் அக்டோபர் 4 ஆம் திகதி ஸ்புட்னிக்(ரஷ்ய மொழியில் "சக பயணி" என அர்த்தப்படும்.) என்ற உலகின் முதலாவது செயற்கை கோளை விண்ணுக்கு ஏவியது அமெரிக்காவின் வயிற்றெரிச்சலுக்கு காரணமாயிருந்தது.இந்த வயிற்றெரிச்சலை இன்னும் அதிகப்படுத்துவதாய் தயாரானது ஸ்புட்னிக்-2.ஸ்புட்னிக்-2 இல் ஓர் உயிருள்ள பிராணியை அனுப்ப ரஷ்ய விஞ்ஞானிகள் முடிவுசெய்தார்கள்.இதற்கு விஞ்ஞானி கொரோலெவ்வினால் தெரிவு செய்யப்பட்டது ஒரு பெண் நாய்.அதற்கு அவர் கூறிய காரணம் "பெண் நாய் பொது இடத்தில் நின்று கொண்டு காலைத்தூக்கிய வண்ணம் சிறுநீர் கழிக்காது."என்பதாகும்.

இவ்வாறு கொண்டு வரப்பட்ட லைக்காவுக்கு அவசர அவசரமாக பயிற்சி கொடுக்கப்பட்டது.இந்த விண்வெளி நாய்க்கு ஒரு சிறிய பெட்டியில் மிக நீண்ட நேரம் அசைவற்று இருக்க பழக்கப்பட்டது.இதற்கு 10- 15 நாட்கள் செலவழிக்கப்பட்டது.லைக்காவுக்கு விண்வெளி உடை அணிவித்து ஒருவழி பயண ஓடமான ஸ்புட்னிக்-2 இல் ஏற்றி 1957 ஆம் ஆண்டு நவம்பர் மாதம் 3ஆம் திகதி விண்நோக்கி அனுப்பி வைக்கப்பட்டது.லைக்கா இருந்த விண்வெளிக் கலத்தின் பகுதி ஏவி அடுத்த கணமே மணிக்கு 18,000 மைல் வேகத்தை அடைந்தது.இதன்காரணமாக அப்பகுதியில் அழுத்தம் கூடியது.இதனால் லைக்காவின் நாடித் துடிப்பு சாதரண நிலையை விட முன்று மடங்கு அதிகரித்தது.இவ்வாறன ஐந்து தொடக்கம் ஏழு வரையான மணி நேர பறப்பில் உயிர் வாழ்வு கேள்விக்குறியே.இருப்பினும் லைக்கா நாய் ஆனது அதிகூடிய வெப்பம் மற்றும் அழுத்தம் என்பவற்றால் இறந்திருக்கலாம் என நம்பப்படுகின்றது.ஸ்புட்னிக்-2 ஓடமானது 4 1/2 மாதத்தின் பின் (அதாவது 1958-04-14 இல்)பூமியில் எரிந்த வண்ணம் விழுந்தது.

கோடுகள் போடப்பட்ட மிக அரிய முயல்

2008-02-26T00:01:00.000-08:00

உலகின் மிக அரிதாகக் காணப்படும் கோடுகள் போடப்பட்ட முயல்(striped rabbit ) இந்தோனேஷியா மழைக்காட்டில் 2007ஆம் ஆண்டு சித்திரை மாத நடுப்பகுதியில் அவதானிக்கப்பட்டு புகைப்படம் எடுக்கப்பட்டது.இப்புகைப்படம்(அருகில் உள்ள படம்) எடுக்கும் போது முயல் கமராவில் இருந்து சுமார் அரை மீட்டர் தூரத்தில் புல் மேய்ந்து கொண்டிருந்தது.இருப்பினும் இரவு நேரம் என்பதால் தெளிவில்லாத படமே எடுக்க முடிந்தது. இம் முயல் இனம் கடந்த 35 வருடகாலத்தில் மூன்று முறையே அவதானிக்கப்பட்டது.1972 ஆம் ஆண்டு விஞ்ஞானி ஒருவர் இம் முயலை கண்டபின், 2000 ஆம் ஆண்டில்தான் இறுதியாக புகைப்படம் எடுக்கப்பட்டது.அழிவின் விளிம்பில் இருக்கும் இம்முயல் இனம் சுமேத்திரா காட்டில் மாத்திரம் காணப்படுகின்றது.

சரித்திர நாயகர்கள் சொன்னது(அறிமுகம்)

2008-02-24T22:41:00.000-08:00

உலகின் சரித்திர நாயகர்கள்

(படத்தின் மீது அழுத்தி பெரிதாக்கி பார்க்கவும்)

மாற்றம் என்பது உலக நியதி.இந்த மாற்றத்தை ஏற்படுத்துபவர்கள் தத்துவஞானிகள்,மாவீரர்கள்,அறிஞர்கள் என பட்டியல் நீண்டு செல்கின்றது.கடந்த காலத்தில் மாற்றத்தை ஏற்படுத்தியவர்கள் உலக நாயகர்களாக தடம் பதித்து, எம் மனதில் நீங்கா இடம் பிடித்தவர்கள்.அவர்கள் சொன்ன வார்த்தைகள் தத்துவங்களாக போற்றப்படுகின்றது.சிறந்த தத்துவங்கள் உலகில் மாற்றங்களை ஏற்ப்படுத்துகின்றன.ஒருவனின் மிகச்சிறந்த அனுபவம் அல்லது அவனது அறிவுப்புலமை தத்துவங்களாக பிறக்கின்றது.தத்துவம் என்பதை ஆங்கிலத்தில் philosophy என அழைப்பார்கள்.இது உண்மையில் (p)பிலாஸ் மற்றும் ஸோ(p)பியா என்ற இரண்டு லத்தீன் சொற்களின் சேர்க்கை ஆகும்.(p)பிலாஸ் என்றால் அறிவு எனவும் ஸோ(p)பியா என்றால் நேசிப்பது எனவும் பொருள்ப்படும்.ஆக philosophy என்றால் "அறிவை நேசிப்பது" என பொருள்ப்படும்.இன்று முதல் இற்கையின் வலது மேல் மூலையில் சரித்திர நாயகர்கள் சொன்ன சிந்தனையை தூண்டும் வாக்கியங்கள் இடம் பெறுகின்றது.இது வாரவாரம் புதிப்பிக்கப்படும்.

-நன்றி-

அன்புடன்,
காண்டீபன்

வெள்ளைச் சுறா(பாகம் IV)

2008-02-23T23:14:00.000-08:00

உலகில் தற்போதுள்ள சுறாக்களில் மிகக்கொடிய வேட்டையாடும் சுறா என அழைக்கப்படுவது வெள்ளைச் சுறாவை ஆகும்.இது 25 - 1.6 இடைப்பட்ட மில்லியன் வருடங்களுக்கு முன் அழிந்து போன MEGALODON சுறாவின் வாரிசு என விஞ்ஞானிகள் கருதுகின்றனர்.பல் உயிர்ச்சுவட்டின் படி MEGALODON சுறா வெள்ளைச் சுறாவைப்போல் 2 அல்லது 3 மடங்கு பெரியது என் கணக்கிடப்படுகின்றது.வெள்ளைச் சுறாவுக்கு அடிப்பகுதி (மாத்திரம்) வெள்ளை நிறமாகவும் மேற்ப்பரப்பு சாம்பல் கலந்த நீல நிறமாகவும் காணப்படும்.கடலின் கிழ் பகுதில் இருந்து அவதானிக்கும் போது வானம் போலவும் நீர் மேற்ப்பரப்பிலிருந்து அவதானிக்கும் போது கடலின் அடிப்பகுதி போல் தன்னை உருமறைப்பு செய்வதற்க்கு இந்த நிறக்கலவை பயன் படுகின்றது(வேட்டையாடுவதற்க்கு).இது சராசரியாக 3200 கிலோகிராம் நிறையும் 12 அடி தொடக்கம் 16 அடி வரையான நிளமும் உடையது.சுறாவின் மோர்ப்ப சக்தி உணவை வேட்டை ஆடுவதற்கு பெரிதும் உதவி புரிகின்றது.வள்ர்ச்சி அடைந்த வெள்ளைச்சுறா கடல் சிங்கம் மற்றும் பிற சுறாக்களை உணவாக்கி கொள்ளும்.கடல் சிங்கம் போல் பெரிய உணவு கிடைத்தால் அதனை அனது வாயின் அளவுக்கு ஏற்ற துண்டக நறுக்கி விழுங்கிவிடும்.இது இரண்டு மாத உணவு தேவையை திருப்தி செய்யும்.வெள்ளைச்சுறா கடல் சிங்கத்தை வேட்டை ஆடும் காட்சி இங்கே...

மீன் இனங்களில் பெரியது(பாகம் III)

2008-02-23T23:09:00.000-08:00

Mesozoic யுகத்தின் இறுதி பகுதியான Cretaceous காலத்தில் பாரிய விண்கல் ஒன்று புவி மீது மோதியதால் டைனோசர்களின் பொற்காலமாக விளங்கிய Mesozoic யுகம் முடிவடைந்தது.இதனைத் தொடர்ந்து Paleozoic யுகத்தின் Permain காலத்தின் பிற்பகுதியில் தோற்றம்பெற்ற முலையூட்டிகள் Mesozoic யுகத்தை கடந்து தற்போதய Cenozoic யுகத்தின் Miocene சகாப்தத்தில் ஆட்சியின் உச்ச நிலையை அடைந்து பின்பு வீழ்ச்சியடைந்தன.தற்போது மனித இனம் ஆட்சியின் உச்ச நிலையில் இருக்கின்றது.இக்காலத்தில் வாழும் மிகப் பெரிய சுறா மீன் இனத்தை இப்பதிவில் பார்ப்போம்.

திமிங்கல சுறா

திமிங்கல சுறாவே மிகப்பெரிய சுறாவும் மிகப்பெரிய மீனுமாகும்.(சுறா ஒரு மீன் வகையைச் சேர்ந்தது).இது அகலமான தட்டையான தலையையும்,ஐந்து சோடி பெரிய நீளமான செவுளையும் கொண்டிருக்கும்.வாலின் கீழ் துடுப்பை விட மேல் துடுப்பு பெரிதாக காணப்படும்.திமிங்கல சுறாவின் நிறமானது கடும் சாம்பல் நிறத்தின் மீது மஞ்சள் புள்ளிகள் எழுமாறாகக் காணப்படும்.தோலின் தடிப்பு 4 அங்குலம்(10 சென்டி மீட்டர்)ஆகும்.திமிங்கல சுறா 50 அடி(15மீட்டர்) வரை வளரக்கூடியது.இதன் நிறை 15 தொன்(tons) ஆக காணப்படும்.வழமைபோல் பெண் சுறா ஆண்சுறாவை விட பெரிதாக இருக்கும்.திமிங்கல சுறாவானது தனது முழு உடலையும் பக்கவாட்டாக அசைப்பதன் மூலம் நீந்துகின்றது.(மற்ற சுறாக்கள் வாலை அசைப்பதன் மூலம் நீந்தும்.)இதன் வேகம் மணிக்கு 5 கிலோமீட்டர்(5kph)ஆகும்.

திமிங்கல சுறாவின் வாய் சுமார் 4 அடி(1.4மீட்டர்)வரை அகலமானது.இவ் வாய் மற்ற சுறாக்களுக்கு உள்ளதுபோல் தலையின் கீழ் பகுதியில் காணப்படாமல் தலையின் முன் பகுதியில் காணப்படும்.இதன் வாயினுள் 3,000 மிகச்சிறிய பற்கள் இருந்தபோதும் அவற்றின் பயன்பாடு சிறிய அளவில்தான் அமையும்.இதற்கு காரணம் திமிங்கல சுறா உணவை வடிகட்டி உண்பதே(filter feeders).திமிங்கல சுறா தனது வாயை திறந்தவாறு நீந்திச்செல்லும்.இதன் போது சிறுமீன்கள்,இறால்கள் போன்ற உணவு அடங்கிய நீரை உறிஞ்சி வாயினை நிரப்பிக் கொள்ளும்.வாயை முடிய பின்னர் சுறாவானது தனது செவுளை பயன்படுத்தி நீரில் இருந்து தனது உணவை பிரித்து உண்ணும்.செவுளில் காணப்படும் மென்சவ்வு ஆனது உணவை வெளிச்செல்லாமல் தடுப்பதோடு நீரை வெளியேற்ற உதவும்.இவ்வாறு சுறாவின் ஐந்து சோடி செவுளினால் ஒரு மணித்தியாலத்தில் (வாயினால் பெறப்படும்)6,000 லீட்டர் நீரை வெளியேற்ற முடியும்.
மிதமான சுடுள்ள நீரில் (பூமத்தியரேகைக்கு அருகில்)வாழும் திமிங்கல சுறா பெரும் நேரத்தை நீரின் மேற்பரப்பில் கழிக்கும்.இவை தனித்தே காணப்படும்.கூட்டமாகக் காண்பது அரிது.பிறக்கும்போது திமிங்கல சுறாவின் குட்டியின் நீளம் 2 அடி(60சென்டி மீட்டர்)ஆகும்.100 - 150 வருடங்கள் வாழும் என கணக்கிடப்பட்ட இவை தனது 30 ஆவது வயதில் இனவிருத்திக்கு தயாராகும்.

basking சுறா

basking சுறாவே இரண்டாவது பெரிய சுறாவாகும்.இது 33 அடி(10 மீட்டர்) நீளமுடையது.ஆண் சுறா 30 அடி(9மீட்டர்) நீளமுடையது.இதுவும் திமிங்கல சுறாவை போலவே மீன்குஞ்சுகள்,மீன் முட்டைகளை வடிகட்டி உண்ணும்.இது கரையோர மித உஷ்ண கடலில் வாழும். நீரின் மேற்பரப்பில் அதிக நேரத்தை செலவிடுவதால் இதனை sunfish என அழைப்பார்கள்.basking சுறா தனியாக அல்லது சோடியாக அல்லது குழுவாக பயணம் செய்யும்.ஆங்கிலத்தில் இக்கூட்டத்தை School என அழைப்பார்கள்.இதில் 100 வரையான basking சுறாக்கள் காணப்படும்.basking சுறா கருக்கட்டி 3.5 வருடங்களின் பின் ஒன்று அல்லது இரண்டு குட்டிகளை இடும். இந்த குட்டி பிறக்கும் போது 5.5அடி(1.7 மீட்டர்) நீளமுடையது.இது 2 - 4 வருடத்தில் பருவம்(sexual maturity) அடையும்.basking சுறா உணவுக்காகவும்,எண்ணெய்க்காகவும் வேட்டையாடப்படுகின்றது.

தொடரும்...

சுறா மீனின் ஆரம்ப காலம்(பாகம் II)

2008-02-23T23:03:00.000-08:00

அழிவடைந்த அங்கிகளை ஆராய்வதற்க்கு அதன் உயிர்ச்சுவடு உதவுகின்றன.ஆதிகாலத்தில் வாழ்ந்த அங்கிகள் இறந்து கற்பாறைகள்,பனிக்கட்டி,சேறு போன்றவற்றினுள் பிடிக்கப்பட்டு சிதையாமல் எஞ்சியுள்ள அங்கியின் கடினமான பாகங்கள் அல்லது அங்கியின் அடையாளங்கள் தற்போது தோண்டி எடுக்கப்பட்ட பொருட்களாகயிருத்தல் உயிர்ச்சுவடு எனப்படும்.உயிர்ச்சுவடு பெருமளவில் அடையற்பாறைகளில் காணப்படுகின்றது.இவ்வாறு தோண்டி எடுக்கப்படும் உயிர்ச்சுவடுகளின் வயதைக் கணிப்பதற்கு மிகவும் பொதுவான முறை உயிர்ச்சுவட்டில் உள்ள காபன் சமதானிகளின் வயதைக் கணித்தலாகும்.
மிகப் பழைய காலத்தைச் சார்ந்த சுறாவின் எஞ்சி அழிந்து கிடக்கும் "செதிள்கள்"(scales)உயிர்ச்சுவட்டின் படி அவை 420 மில்லியன் வருடங்களுக்கு முற்பட்டவை என்பதாகும்.அதாவது Silurian (சிலூரியன்) காலத்தின் முற்பகுதியாகும்.இந்த Silurian காலத்தில்தான் தாடை கொண்ட மீன்கள் தோற்றம் பெற்றன.ஆதியான என்பு மீன்கள்,சுறாக்கள் என்பன நவின வகைகளிற்கு முன்னோடியாக இருந்தன.சில வகை மீன்கள் வளியைச் சுவாசிக்கும் தன்மையை விருத்தி செய்தன.இவை சுவாசப்பை மீன்கள் எனப்படும்.இவை தரைவழ் முள்ளந்தண்டு விலங்குகள் தோன்றுவதற்கு வழிகோலியது.
சுறாவின் உயிர்ச்சுவடு கிடைப்பது அரிதானது.சுறாவுக்கு மீன்களை போல் எலும்புகள் கிடையது குருத்தெலும்பே உண்டு.இது சிறந்த உயிர்ச்சுவடாக அமைவதில்லை.ஆரம்ப கால சுறாக்களின் முக்கிய உயிர்ச்சுவட்டு ஆதரமாக கிடைப்பது அதன் பற்களே.இவ்வாறு கிடைக்கப்பெற்ற "மும் முனை பல்" உயிர்ச்சுவட்டின் படி அப்பல்லுக்குரிய பண்டைய சுறா 360 மில்லியன் வருடத்திற்கு முற்பட்டவை (இப்பகுதி Devonian (டிவோனியன்)காலத்தின் பிற்பகுதி ) என்றும் 1.5-6 அடி(0.5-2 மீட்டர்) நீள முடைய மாமிச உண்ணி எனவும் அறியப்படுகின்றது.

Orthacanthus சுறா

Orthacanthus சுறா பண்டைய கால நன்னீர் சுறாவாகும்.சுமார் 280 மில்லியன் வருடங்களுக்கு முற்பட்டது(Paleozoic யுகத்தைச் சேர்ந்தது).இதற்கு தலையின் பின் பகுதியில் நீளமான முள் ஒன்று மண்டை ஓடிலிருந்து வளர்ந்திருக்கும்.இதன் பல் பெரும்பாலான சுறாவிற்கு உள்ளதுபோல் 'V'வடிவமாகும். Orthacanthus சுறா ஓர் மாமிச உண்ணியாக விளங்கியது.

Hybodus சுறா இப் பண்டைய சுறா Paleozoic யுகதின் Carboniferous காலத்தை உருவக்கியது.இது 7.5 அடி(2.5மீட்டர்) நீளமுடையது.இச் சுறா Mesozoic (மீசொயிக்) யுகதின் இறுதியில் அழிவடைந்தது.இந்த Mesozoic யுகம்(250மில்லியன் ஆண்டுக்கு முன் - 65மில்லியன் ஆண்டுக்கு முன்) மூன்று காலமாக பிரிக்கப்படும்.அவை ஆவன Triassic,Jurassic,Cretaceous காலங்கள் ஆகும்.Triassic காலத்தில் டைனோசர்கள் தோன்றின.பின் பல்வகைமை அடைந்து Jurassic காலத்தில் ஆட்சியடைந்தது.இக்கால கட்டத்தில் நவின வகை சுறாக்கள் விருத்தியடைந்தன(150 மில்லியன் வருடங்களுக்கு முன்).இந்த Mesozoic யுகத்தின் இறுதி காலமான Cretaceous இல் டைனோசர்கள் ஆட்சியின் உச்ச நிலையை அடைந்தன.பின் குறுகிய புவிக்காலத்தில் முற்றாக அழிவடைந்தன.இதற்கு காரணம் 65மில்லியன் வருடங்களுக்கு முன் பாரிய விண்கல் ஒன்று புவி மீது மோதியமையே ஆகும்.இவ்விண்கலானது Mexico வளைகுடாவில் வீழ்ந்து அங்கு ஆழமாகப் புதைந்தது.இதன் விளைவால் தூசுக்களால் ஆன மிகப்பெரிய முகில் கூட்டங்கள் தோன்றின.இம்முகில் கூட்டங்களால் சூரிய ஒளி புவிமேற்பரப்பை சென்றடைவது தடுக்கப்பட்டது/குறைக்கப்பட்டது.இதனால் முதலுற்பத்தி பாதிப்படைந்து டைனோசர்கள் முற்றாக அழிந்தன.அத்துடன் Ammonites விலங்குக்கூட்டங்களும்,Hybodus சுறாக்களும் அழிவடைந்தன.

தொடரும்...

மிகக் கொடிய உயிரினம்!(பாகம் I)

2008-02-23T22:58:00.000-08:00

சுறா ஒர் மீன் வகையைச் சேர்ந்தது.இதனை ஆங்கிலத்தில் Shark(ஷார்க்) என அழைக்கப்பட்ட போதும் ஜெர்மன் மொழியில் Shark என்பதன் பொருள் `மிகக் கொடிய' என்பதாகும்.சுறா இவுலகத்தில் சும்மார் 350 மில்லியன் ஆண்டுகளுக்கு முன் உருவாகியவை.(அதாவது டைனோசர் காலத்தில்,மனிதன் பிறக்கும் முன்.)இன்றைய சுறா மீன்கள் 150 மில்லியன் ஆண்டுக்கு முன் பரிணம வளர்ச்சி கண்டவை அதன் பின் எந்தவித தோற்றம் மாறாமல் உலகில் இருந்து வருகின்றது.சுறாமீன்கள் உலகின் சகல கடல் பகுதிகளிலும் காணப்படுகின்றன.இவை சமுத்திரத்தில் மட்டுமன்றி ஆற்றிலும் சுறாமீன்கள் காணப்படுகின்றன.
தற்போது உலகில் 368 வகையான சுறாக்கள் இனங்காணப்பட்டுள்ளன.இவை 30 குடும்பங்களாக பிரிக்கப்பட்டுள்ளன.ஒவ்வொரு சுறா குடும்பமும் தோற்றம்,வாழ்க்கை , உணவு முறையில் ஒன்றில் இருந்து ஒன்று மாறுபட்டவை.மேலும் ஒவ்வொரு சுறா இனமும் வடிவம்,அளவு, நிறம்,துடுப்புக்கள்(fins),பற்கள்,வழக்கமாகச் சாப்பிடும் ஆகாரம் மற்றும் பிற இயல்புகளில் வேறுபாடுள்ளவை.
சுறா மீன் வாழ் நாள் முழுவதும் வளர்ந்து கொண்டிருக்கும்.முதிர்ந்த பருவம்(maturity) அடைந்த பின்பும் அதன் வளர்ச்சி தொடந்து கொண்டிருக்கும்,ஆனால் சற்று வாளர்ச்சி வேகம்(வீதம்)குறைவடையும்.ஒவ்வொரு சுறா இனத்திற்கும் வாளர்ச்சி வேகம் மாறுபடும்.சுறாவின் நீளம் இனத்திற்க்கு இனம் மாறுபடும்.சுறா மீன்களில் பெண் சுறா ஆண் சுறா மீனை விட பெரியதாகும். நன்றாக வளர்ச்சியடைந்த சுறாவை கருதினால் மிகச்சிறியது பிக்மி(Spined Pygmy) சுறா.இது 18 சென்டி மீட்டர்(7 அங்குலம்) நீளமுடையது.15 மீட்டர்(50 அடி) நீளமுடைய திமிங்கல சுறாவே தற்போது உலகில் உள்ள சுறா மீனில் பெரியது.கண்டுபிடிக்கப்பட்ட சுறா மீன் இனங்களில் அரைவாசி ஒரு மீட்டரை(39 அங்குலம்) விட குறைவான நீளத்தை உடையவை.

சுறாவின் எலும்பு வளையக்கூடிய குருத்தெலும்பால் ஆனது.மனிதனின் முக்கு மற்றும் காதில் இவ் எலும்பு உள்ளது.சுறா உணவை கிழித்து உண்பதற்க்கு அதன் வாயில் 3000 பற்கள் உண்டு.அதிக சுறா இனத்திற்க்கு இப்பற்கள் ஐந்து வரிசையாக அடுக்கப்பட்டிருக்கும்.முன் வரிசை பற்கள் பெரிதாகவும் வேலை பழு அதிகமாகவும் காணப்படும்.சுறா மீன்கள் உணவை அரைத்து உண்பவை அல்ல,இவை உணவை பற்கள் முலம் துண்டாக்கி விழுங்கிவிடும்.இதன் பல் சேதமடைந்தால் அல்லது விழுந்தால் அதற்க்கு மாற்றிடாக புதிய பல் முளைக்கும்.சுறா மீன் இனத்திற்கு இனம் கொன்று தின்னும் உணவுக்கு ஏற்ப பல்லின் வடிவம்,அளவு வேறுபட்டிருக்கும்.சுறா மீன்கள் கடல் வாழ் பாலூட்டிகள்,மீன்கள்,சில வேளை பிற சுறாக்களை உணவாக்கிகொள்ளும்.சுறா உணவில்லாமல் சில மாதங்கள் உயிர் வாழ கூடியது.இக்காலத்தில் அதன் கல்லீரலில் உள்ள கொழுப்பை பயன் படுத்தும்.
சுறா மீனிற்கு ஐந்து அல்லது ஏழு சோடி ( நீண்ட குறுகிய) செவுள் துவாரம் அதன் தலைக்கு அருகில் அமைந்திருக்கும்.சில சுறாவுக்கு விசேடமாக கண்களுக்கு அருகில் மேலதிகமாக ஒரு சோடி செவுள் துவாரம் காணப்படும்.இது ஒட்சிசனை நேரடியாக கண்ணுக்கும் மூளைக்கும் வழங்கும்.மீன்களுக்கு உள்ளது போன்று இதற்க்கு செவுள் மூடி(gill cover) காணப்படாது.சுறாகள் கடல் மீன்களை போல் நீரை குடிப்பதில்லை.இவற்றின் இரத்தம் மற்றும் திசுக்களில் அதிக உப்பு காணப்படும்.கடல் நீரை விட சுறாவில் உப்பின் செறிவு அதிகம்.இதன் காரணமாக சுறாவின் செவுள் பகுதியில் காணப்படும் தேர்ந்து புகவிடும் மென்சவின் ஊடு பிரசாரணம்( நீர்ச்செறிவு கூடிய இடத்திலிருந்து நீர்ச்செறிவு குறைந்த இடத்திற்க்கு நீர் செல்வது.) நடைபெறும்.இவ்வாறு நீர் செவுள் ஊடாக பாயும்போது செவுள் உள் காணப்படும் இரத்தக் குழாய்கள் ஒட்சிசனை நீரில் இருந்து பெறும்.சுறாமீனின் இதயம் 'S'வடிவ குழாய் போன்றது.இது சுறாவின் தலை பகுதியில் அமைந்துள்ளது.
சுறாவின் உடலை தலையில் இருந்து வால் நேக்கி தடவினால் அதன் தோல் வழவழப்பாக இருக்கும்,ஆனால் எதிர் திசையில் தடவினால் கரடு முரடாக(வெட்டக்கூடியதாக) காணப்படும்.சுறா மீனுக்கு மனிதனைப்போல் சகல புலங்களும் உண்டு.இதனால் மங்கலான வெளிச்சத்தில் கூட நன்றாக பார்க்க முடியும்.சுறாக்கள் மிகச் சிறந்த மோப்ப சக்தியை கொண்டுள்ளன.ஒரு மில்லியன் நீர் துளிகளில்(100 லீட்டர்) ஒரு துளி இரத்தம் இருந்தாலும் இவற்றால் 0.25மைல்(0.4km) தொலைவில் இருந்து கூட முகர்ந்து விட முடியும்.

தொடரும்...

கோழி முட்டையா?Golf பந்தா?

2008-02-23T22:48:00.000-08:00

ஆஸ்திரேலியாவில் கோழிப்பண்ணை வைத்திருக்கும் பண்ணையாளர் ஒருவர் கோழிகள் முட்டையிடுவதை ஊக்குவிப்பதற்காக(?) golf பந்துகளை கோழிக்கூட்டினுள் போட்டு வைத்துள்ளார்.அங்கு கோழி முட்டையைக் குடிப்பதற்கு வந்த மலைப்பாம்பு கோழி முட்டை என நினைத்து நான்கு golf பந்துகளை விழுங்கிவிட்டது.மறு நாள் வந்த பண்ணையாளர் golf பந்துகளைக் காணாது குழப்பமடைந்து தேடியபோது மயக்கமுற்ற நிலையில் இருந்த மலைப்பாம்பினைக் கண்டார்.உடனடியாக, பண்ணையாளர் மலைப்பாம்பினை வைத்தியசாலையில் சேர்த்தார்.வைத்தியர்கள் மலைப்பாம்பினைப் பரிசோதித்த போது இதன் சிறுகுடலில் அந்த நான்கு golf பந்துகளும் இருப்பது தெரியவந்தது.Golf பந்துகளை மருந்து மூலம் கரைக்க முடியாததால் பாம்பிற்க்கு சத்திர சிகிச்சை செய்து இந்த golf பந்துகள் அகற்றப்பட்டன.மலைப்பாம்பு குணமடைந்த பின் காட்டில் விடுவதற்கு வைத்திய அதிகாரிகள் தீர்மானித்துள்ளனர்.வைத்தியசாலையில் சிகிச்சைக்கு உட்பட்ட மலைப்பாம்பினை இங்கு காணலாம்.

அபூர்வ சந்தர்ப்பம்

2008-02-23T22:46:00.001-08:00

இயற்கையில் எத்தனையோ அதிசயங்கள் நடைபெறுகின்றன அவற்றை புகைப்படம் எடுப்பதற்கு பொறுமையும்,திறமையும் வேண்டும்.அவ்வாறான ஒர் சந்தர்ப்பமே இது...அனகோண்டாவினால் வேட்டையாடப்படும் நீர்யானை.
(இனி படம் உங்களுடன் பேசட்டும்)

நீர்யானைக்குட்டியை தத்தெடுத்த ஆண் ஆமை

2008-02-23T22:38:00.001-08:00

2004 டிசம்பர் 26 அன்று ஏற்ப்பட்ட சுனாமியால் ஆசிய நாட்டு மக்கள் பெரும் உயிர் இழப்பையும் பொருள் இழப்பையும் சந்தித்தனர்.உறவுகளை இழந்தோர் எராளம்.மனிதர்களுக்கு மட்டுமில்லை பிற உயிர் இனங்களுக்கும் இதே நிலைதான்.அவ்வாறன ஒர் சம்பவமே இது.சுனாமியால் கென்ய நாட்டின் கரையோரம் பாதிக்கப்பட்டபோது ஒரு வயது கூட நிரம்பாத நீர்யானைக்குட்டி ஒன்று தன் தாயை இழந்தது.இக்குட்டியை வன விலங்கு அதிகாரிகள் Mombassa க்கு கொண்டு வந்தனர்.அப்போது இதன் நிறை 300KG ,இக்குட்டிக்கு Owen என்று பெயர் சூட்டினர்.அங்கு ஒர் அதிசயம் நடந்தது.இக்குட்டியை 100 வயது நிரம்பிய ஆண் ஆமை தத்தெடுத்தது.அவ் ஆமை மகிழ்ச்சியாக நீர்யானைக்கு தாய் போன்று நடந்து கொண்டது. நீர்யானை கூட்டமாக வழும் மிருகம் .அதன் குட்டி தன் தாயுடன் 4 வருடமாவது இருக்க விரும்பும்.ஆனால் Owen இந்த ஆண் ஆமையை தன் தாயாக ஏற்றுக்கொண்டது.தாயை பின் தொடர்வதுபோல் பின் தொடர்ந்தது.யாரும் ஆமையை தொடச்சென்றால் நீர்யானைக்குட்டி கோபப்பட்டு துரத்துகின்றது.இரண்டும் ஒன்றாக நீந்துகின்றது,உண்கின்றது.இந்த அதிசயத்தை நிங்களும் பருங்கள்.

சாதனைப் பூச்சி

2008-02-23T22:35:00.000-08:00

"அட பூச்சியா !, ஊதினால் இருந்த இடத்திலிருந்து காணாமல் பறந்து போயிடும்."என்று பூச்சியை பலவீனமானது என கருதினோம்.அது தவறு பூச்சியிலும் பாரமான பூச்சி உண்டு.அப்பூச்சி உலகில் உள்ள பூச்சியினங்களில் எடை கூடிய பூச்சியினமாக உலக சாதனையும் படைத்துள்ளது(பூச்சி கூட சாதனை படைக்குது).இதனை இராட்சத வண்டு என்று அழைக்கிறார்கள்.(படத்தில் உள்ளது).இதன் விஞ்ஞானப் பெயர் "ஸ்கராபயோடியா" ஆகும்.ஆபிரிக்கா கண்டத்தின் பூமத்திய ரேகைப் பகுதிகளில்தான் இந்த இராட்சத வண்டினை காணமுடிகின்றது.இதன் நிறை 70 தொடக்கம் 100 கிராம் வரையில் காணப்படும்.இராட்சத வண்டின் கொம்பு நுனியில் இருந்து வயிற்றின் அடி வரையான நீளம் 11 cm அகும்.

Komodo dragons

2008-02-23T22:23:00.001-08:00

தற்போது உலகில் வாழும் பல்லி இனத்தில் மிகப்பெரியது Komodo dragons ஆகும்.உலகில் கங்காரு அவுஸ்ரேலியாவில் மாத்திரம் உள்ளது போல், இது கொமடோ தீவில் மாத்திரம் இருக்கிறது.இது டைனோசரின் நேரடி வாரிசு என்ற கருத்தும் உண்டு.இவற்றால் சும்மார் 10 அடி வரை(3 மீட்டருக்கு மேல்) வளர முடியும்.சராசரியாக 8 அடி(2.5 மீட்டர்) நீளமும் 91 கிலோ கிராம் நிறையும் உடையது.ஆனால் பெண் Komodo dragon நீளம் 8 அடியை விட குறைவாகவும் ,68 கிலோ கிராம் நிறையும் கொண்டது.இந்த Komodo dragon இன் அபார மோப்பசக்தியானது 8.5 கிலோமீட்டருக்கு(5 மைல்)அப்பால் உள்ள இறந்து அழுகும் மாமிசத்தைக்கூட அனுகூலமான காற்றின் உதவி கொண்டு கண்டுபிடித்துவிடும்.இதன் வாயில் இருந்து வடியும் வீணத்தில் ஒரு வகைக் கொடிய பக்ரீரியாக்கள் உண்டு,இதனால் சிறு காயப்படுத்தப்பட்ட விலங்கைக் கூட சில நாட்களில் நோய் வாய்ப்படுத்தி இறக்க வைத்து விடும்.இப்பக்ரீரியாக்கள் இதன் ஒருவகை வேட்டை ஆயுதமாகும்.Komodo dragon அளவில் பெரியதாக இருப்பினும்,இதனால் மிகவும் வேகமாக நகரவும் விரைந்து செயல்படவும் முடியும்.இவை மரத்தில் ஏறக்கூடியதாகவும் ஏணைய பல்லிகளைப்போல் நல்ல நீச்சல் வீரர்களாகவும் விளங்குகின்றன.முதளை போல் இவை முட்டையிட்டு இனப் பெருக்கம் செய்கின்றன.

தகவல் உதவி யோகன் பாரிஸ்(Johan-Paris)

வெள்ளை உயிரினங்கள்

2008-02-23T22:02:00.000-08:00

சிவாஜி படத்தில் ரஜனி வெள்ளைக்காரன் போல் ஒரு பாட்டுக்கு வருவார்.இதற்கு கணனி உதவியது.ஆனால் ஒரு சில மனிதர்கள் உச்சி முதல் பாதம் வரை வெள்ளையர் போன்ற உடல் வண்ணத்தையும் கண்ணின் கரு விழியும் முடியும் நிறமற்றும் கண்டிருப்போம்.இவர்கள் ரோப்பியர்கள் மத்தியில் கூட காணப்படுகின்றனர்.இதனை ஒருவித நோய் என்று விஞ்ஞானிகள் கூறுகின்றனர்.தோல் கலங்களில் உற்பத்தி செய்யப்படும் மெலனின் மனிதனின் நிறத்திற்கு காரணமாக் அமைகின்றது.இதனைக் கட்டுப்படுத்துவது DNA ஆகும். DNA இல் ஏற்படும் மாற்றமே இன் நோய்க்கு காரணம்.இதனை அல்பினீசியம் என்பர்.இது சகல உயிரினங்களுக்கும் பொதுவான நோய்.தாவரங்களுக்கு இந்த அல்பினீசியம் வந்தால் உணவு தாயரிப்பதற்கு பச்சையம் இல்லாமல் முளைத்த உடனேயே இறந்து விடும்.ஆனால் விலங்குகளை பொறுத்தமட்டில் இணைத்தேர்வின் போது பிரச்சனையினை எதிர் நோக்குகின்றன.இவ் இனத்தோடு வேறு பால் உயிர்கள் இணை சேராது எனவே இவை தனியாகவே வாழ்ந்து இறந்துவிடும்.இதனால்தான் நாம் இவுயிர் இனதை பார்ப்பது கடினம்.ஆனால் இதனை பற்றி கேள்விப்பட்டிருப்போம்.இந்துக்கள் இந்திரனுடைய வெள்ளை யானை(ஐராவதம்?) பற்றி அறிந்திருப்பார்கள்.அட! வெள்ளை காக்கா கூட உண்டு.இதில் சில வெள்ளை உயிரினங்களை கிழே காணலாம்.

மான்

குரங்கு

ஒட்டைச்சிவிங்கி

சிங்கம்

புலி

பாம்புமயில் கங்காரு

காகம்

திமிங்கலம்

கரடி

பருந்து

ஒட்டகம்

பென்குயின்

அணில்

moose

எழுந்திரு நண்பா எழுந்திரு

2008-02-23T21:52:00.000-08:00

பாசம்,இரக்கம் என்பது மனிதனுக்கு மட்டும் சொந்தமில்லை,எங்களுக்கும் இரக்கம் இருக்கு என்று வீதியில் ஒர் பாச போராட்டமே நடத்தியது ஒர் நாய்!ஆம்,ஒன்றாக ஓடி விளையாடிய நாய் நடு வீதியில் கார் விபத்தில் இறந்துவிட,அதன் நண்பன் எங்கிருந்தோ ஓடி வந்து இறந்த நாயை தனது முன் காலினால் பல முறை தட்டி எழுப்பியது.முயற்சி கைகூடவில்லை, நண்பனை நடு வீதியில் இருந்து பாதுகாப்பாக வீதியின் கரைக்கு கொண்டு செல்ல முயற்சி செய்தது. நண்பனின் அதிக நிறை காரணமாக அதுவும் பயனளிக்காமல் போனதால்.அந்த ஆபத்தான வாகன நெரிசல் மிகுந்த வீதியில் இறந்த நண்பனுக்கு அருகில் இருந்து ஊளையிட்டு அழ தொடங்கி விட்டது.இதனை பலரும் நேரில் கண்டுள்ளனர் அவர்களது கண்களும் கலங்கியது.இந்த நாய்க்கு உள்ள பாசத்தை நீங்களும் பாருங்கள்....

அரிய ஆமை இனம்

2008-02-23T21:49:00.000-08:00

உலகத்தில் உள்ள மிகப்பெரிய உயிர் இனங்களில் ஒன்றும் அரியதுமான ஆமை இனம் ஒன்று கம்போடியாவின் Mekong ஆற்றங்கரையில் ஆராச்சியில் ஈடுபட்டுள்ள விஞ்ஞானிகள் மீள கண்டுபிடித்துள்ளனர்.இந்த மிகப்பெரிய ஆமை இனம்(Cantor's giant turtle) அதன் மென்மையான ஓட்டினாலும் நீள்வளைவான முக அமைப்பினாலும் நன்கு அறியப்பட்டது.2003 பின் இவ் ஆமை இனத்தை காணததால் விஞ்ஞானிகள் இவினம் அழிந்து விட்டதாக கருதினர்.தற்போது மீள் கண்டுபிடித்த இவ் ஆமை இனத்தை உலகில் இருந்து அழிந்துபோவதை தடுப்பதற்கான முயற்சிகள் எடுக்கப்பட்டுள்ளது.அதன் முதற்கட்டமாக இவ் ஆமை அதிகம் காணப்படும் Mekong ஆற்றுப்பகுதியை உலகின் மிகவும் முக்கியமான பிரதேசமாக பிரகடனப்படுதியுள்ளனர்.

டொல்பின் பிரசவக் காட்சி

2008-02-23T21:42:00.000-08:00

டொல்பின் நீரில் வாழும் பாலூட்டியாகும்.இது கருவுற்று 9 மாதத்தில் குட்டி பிறக்கும்.டொல்பின் குட்டி பிறக்கும் போது முதலில் தாயின் வயிற்றில் இருந்து வால் பகுதியே வெளிவரும்.தாய் டொல்பின் குட்டியை நீரின் மேற்பரப்பிற்க்கு எடுத்துச் செல்லும் அங்கே குட்டி டொல்பின் முதலில் சுவாசிக்க தொடங்கும்.கிழே டொல்பின் குட்டி பிறக்கும் போது எடுத்த படங்களைக் காணலாம்.

இயற்கையின் மீள் அறிமுகம்

2008-02-23T21:15:00.000-08:00

பதிவுலகில் நிலைத்து வேறுபட்டு இருக்கும் நோக்கத்துடன் அரம்பிக்கப்பட்ட வலைப்பூதான் "இயற்கை".சந்தையில் பற்றாகுறையாக உள்ள பொருளை(விடயத்தை) எடுத்து சற்று மாற்றத்துடன் விற்பனைக்கு விடுவது வியாபர உத்தி,இந்த உத்தி முறைதான் இயற்கை வலைப்பூ.பதிவுலகில் உயிர்ச் சுழல் தொடர்பான பதிவுகளில் காணப்படும் பற்றாக்குறையை கருத்தில் கொண்டு தொடங்கப்பட்டது.2007 ஆம் ஆண்டு ஆக்கஸ்ட் மாதம் இயற்கை வலைப்பூ ஆரம்பித்த பின்னர் 2008 ஆம் ஆண்டு ஜனவரியில் நிறுத்த வேண்டிய தேவை ஏற்ப்பட்டது.அதாவது இயற்கை அழிவைச் சந்தித்தது.இந்த குறுகிய காலத்தில் இயற்கை வலைப்பூவுக்கு என ஒரு சில உயிர் இனங்கள் தொடர்பான கட்டுரைகள் ஆங்கில மொழியிலிருந்து தொகுக்கப்பட்டு தமிழில் எழுதப்பட்டது.இதில் சுறாமீன் தொடர்பன கட்டுரை முக்கியமானது.இக்கட்டுரையின் முதல் பாகம் 13/02/2008 அன்று வெளிவந்த தினக்குரலின் புதன் வசந்தத்தில் பிரசுரமாகி இருந்தது.இதற்கு முன்னரும் (14/11/2007 தினக்குரலில்) இயற்கையில் பதியப்பட்ட டொல்பின் தொடர்பான படங்களுடன் கூடிய சிறுகுறிப்பு ஒன்றும் பிரசுரமாகியது.இந்த அங்கிகரமும் சக நண்பர்களின் ஆதரவும் அழிவை சந்தித்த இயற்கைக்கு மீள் உயிர் கொடுக்க உத்வேகத்தை தந்தது.அழிவடைந்த இயற்கை வலைப்பூவின் எஞ்சிய உயிர்ச்சுவட்டுடன் புதிய இயற்கை வலைப்பூ ஆரம்பமாகின்றது.கடந்த காலங்களில் பின்னூட்டம் என்னும் உரமிட்டு இயற்கையை வளப்படுத்தியவர்கள் மற்றும் இயற்கையை ரசித்தவர்கள் ஆதரவு தொடர்ந்திருக்கும் என்னும் நம்பிகையோடு இயற்கை மீண்டும் துளிர்க்கின்றது...

அன்புடன்,
காண்டீபன்.